21 лютага ва ўсім свеце адзначаецца Міжнародны дзень роднай мовы.
Мова — душа народа, векавая памяць многіх пакаленняў, наш галоўны нацыянальны скарб. Жыве мова — жыве народ, жыве памяць продкаў. Няма роднай мовы — няма народа, няма суцяшэння ў горы, няма слоў радасці.
Вучні 6 класа сталі ўдзельнікамі свята роднай мовы “Не проста ў словы мы гуляем, на роднай мове размаўляем”.
Нашы продкі — бацькі, дзяды і прадзеды — нямала зрабілі для таго, каб наша беларуская мова была прызнана роўнай сярод іншых моў свету. Любіце, ведайце і шануйце мову свайго народа, умейце дасканала валодаць ёю!
